బతుకంతా భయం..

విషయం: ప్రజల్ని జడిపిస్తున్న విపత్తుల భయం గురించి, అంతకుమించి రాజకీయ నాయకుల భయం గురించి
శైలి: డాక్టర్ - పేషెంట్ సంభాషణా స్టైల్...
ప్రచురణ: ఈనాడు ఎడిటోరియల్ పేజీలో, 2013 జులై 20న...
మై కామెంట్: ఇటీవల సంభవించిన కేదార్ నాథ్ ప్రకృతి విపత్తు, హైదరాబాద్ లో కూలిన సిటీ లైట్ హోటల్, ఇంకా బాంబు పేలుళ్లు ఇలాటివాటన్నింటినీ కలగలపి, వాటితో పాటు ఈ సమయాల్లో రాజకీయ నాయకులు చేపట్టే పరామర్శకాండల గురించి రాసిన రైటప్ ఇది. 
కొరత: శ్రీధర్ కార్టూన్ లేకపోవడం...

ఏ వెల్గులకీ ప్రస్థానం...!

విషయం: డాక్టర్స్ డే సందర్భంగా డాక్టరు-పేషెంట్ల రిలేషన్ గురించి...
శైలి: జస్ట్ రిపోర్టింగ్ స్టైల్
ప్రచురణ: ఈనాడు ఎడిటోరియల్ పేజీలో, 2013 జులై ఒకటిన....
మై కామెంట్: సుఖీభవ రిపోర్టర్ గా, ఒక సగటు వ్యక్తిగా స్టడీ చేసిన విషయాలను గుదిగుచ్చి వైద్యరంగంలో పెరిగిపోతున్న వ్యాపార సంస్కృతి గురించి, డాక్టరు-పేషెంట్ల రిలేషన్ లో తగ్గిపోతున్న నమ్మకం, సహృద్భావాల గురించి విశ్లేషించే కథనం. నాకు నచ్చిన కథనమిది.

సన్యాసయోగం!

విషయం: రాజకీయాల్లో పెరిగిపోతున్న కాంపిటీషన్ సంగతి...
శైలి: సాధూజీ - రాజకీయ నాయకుడి మధ్య సంభాషణ స్టైల్
ప్రచురణ: ఈనాడు ఎడిటోరియల్ పేజీలో, 2013 జూన్ నెలలో...
మై కామెంట్: బీజేపీలో మోడీని ప్రధాని అభ్యర్థిగా ప్రకటించడంతో అద్వానీ అస్త్ర సన్యాసం చేసిన నేపథ్యంలో... పాలిటిక్స్ లో కూడా పీకలు తెగ్గోసుకునే కాంపిటీషన్ పెరిగిందనీ, సదరు నేతలు సన్యాసయోగానికి పాల్పడుతున్నారని వ్యంగ్యంగా చెప్పే ప్రయత్నమే ఈ సన్యాసయోగం.
అదనపు ఆకర్షణ:  శ్రీధర్ కార్టూన్

సంతలో సరకులు!!

విషయం: పొలిటికల్ పార్టీల్లో నేతల ఫిరాయింపుల సంగతి.
శైలి: మళ్లీ అందరికీ ఇష్టమైన గిరీశం - వెంకటేశం సంభాషణా స్టైలే...
ప్రచురణ: ఈనాడు ఎడిటోరియల్ పేజీలో, 2013 మే నెలలో ప్రచురితం
మై కామెంట్: ఆమధ్య కడియం శ్రీహరి, దాడి వీరభద్రరావు, ఇంకా మరికొందరు నేతలు పార్టీల్లో కప్పదాట్లకు పాల్పడుతుండడంతో, దానిని IPL వేలానికి లంకెపెట్టి రాసిన రైటప్ ఇది.
అదనపు ఆకర్షణ:  శ్రీధర్ కార్టూన్
 

రాజయోగ మార్గం !!

విషయం: రాజకీయాల్లోని సకల చరాచర విషయాలపై ఒక విద్యాలయం ఓపెన్ చేస్తే ఎలా ఉంటుందనే విషయమై..
శైలి: బాబాయ్ - అబ్బాయ్ సంభాషణా స్టైల్
ప్రచురణ: ఈనాడు ఎడిటోరియల్ పేజీలో, 2013 మే నెలలో...
మై కామెంట్: అన్నీ వేదాల్లో ఉన్నాయిష... అనడం మనవాళ్లకు పరిపాటే. ఈ కామెంటును ఆధారంగా తీసుకుని అన్నీ రాజకీయాల్లోనే ఉన్నాయని వ్యంగ్యరూపకంగా చెప్పే ప్రయత్నానికి అక్షరీకరణే ఇది.
అదనపు ఆకర్షణ:  శ్రీధర్ కార్టూన్

తెలుగువాడి జీవనాడి... కూచిపూడి !!

విషయం: తెలుగువాడి శాస్త్రీయ నృత్య రీతి ‘‘కూచిపూడి’’ గురించి
ప్రచురణ: తెలుగు వెలుగు మ్యాగజైన్ ఏప్రిల్ సంచికలో....
మై కామెంట్: తెలుగు వెలుగు మ్యాగజైన్ కోసం నేను బాగా అభిమానించే క్లాసికల్ నృత్య రీతుల్లో ఒకటైన, మనదైన కూచిపూడి గురించి కొంత స్టడీ చేసి, ముందు తరాలకు, ఈతరానికి చెందిన 8 మంది కూచిపూడి గురువులు, కళాకారులతో ఇంటర్వ్యూ చేసి రాసిన కథనం ఇది. బాగా సంతృప్తినిచ్చిన ఆర్టికల్ ఇది.

 

మూర్ఖోపనిషత్ !!

విషయం: రాజకీయ నాయకుల్లో కనిపించే మూర్ఖత్వం
శైలి: బాబాయ్ - అబ్బాయ్ సంభాషణ స్టైల్
ప్రచురణ: ఈనాడు ఎడిటోరియల్ పేజీలో, 2013 మార్చి నెలలో...
మై కామెంట్: ఈ రైటప్ కు ఆధారం ప్రెస్ కౌన్సిల్ ఛైర్మన్ జస్టిస్ మార్కండేయ కట్జూ చేసిన... భారతీయుల్లో 99 శాతం మంది మూర్ఖులే’ అన్న వ్యాఖ్యలు. నిజానికి కట్జూ ఏ సందర్భంలో, ఎందుకన్నాడో గానీ, మీడియా రాద్ధాంతం కారణంగా పెద్ద దూమారమే రేగింది అప్పట్లో. కట్జూ వ్యాఖ్యల ఆధారంగా పొలిటికల్ లీడర్ల మూర్ఖత్వాన్ని తెరపైకి తీసుకొచ్చే ప్రయత్నమే ఈ సెటైర్.
అదనపు ఆకర్షణ:  శ్రీధర్ కార్టూన్

రాజకీయ రాచపుండు !!

విషయం: రాజకీయ నాయకుల్లో మాత్రమే కనిపించే రెండు ప్రత్యేక రోగాలు
శైలి: డాక్టరు - పేషెంట్ సంభాషణ స్టైల్.
ప్రచురణ: 2013 మార్చి నెలలో, ఈనాడు ఎడిటోరియల్ పేజీలో...
మై కామెంట్: మీడియా కనిపిస్తే మైకం పూనడం; పదవులు-స్కాముల తాలూకు కలలు, భయాలను ఒక రాజకీయ నాయకుడు తనకు తానుగా డాక్టరు దగ్గరకు వెళ్లి చెప్పుకునే నేపథ్యంతో ప్రయత్నించిన సరదా సెటైర్ ఇది.
అదనపు ఆకర్షణ:  శ్రీధర్ కార్టూన్

రాజకీయ బాలశిక్ష!

విషయం: రాజకీయాల్లో రాటుతేలడం ఎలా?
శైలి: అందరూ ఇష్టపడే ‘‘గిరీశం - వెంకటేశం’’ స్టైల్
ప్రచురణ: 2013, ఫిబ్రవరిలో, ఈనాడు ఎడిటోరియల్ పేజీలో
మై కామెంట్: ఈనాడు సంపాదకీయం పేజీలో సెటైర్ రూపేణా పబ్లిష్ అయిన మొదటి రైటప్ ఇది. అంతకుముందు రెండుసార్లు ప్రయత్నించినా... అవి కరెంట్ ఇష్యూస్ మీద రాసినవి కావడం, అంత బాగా పండకపోవడం వల్లనేమో ప్రచురితమవలేదు. మూడో ప్రయత్నంలో సక్సెస్  అవడం సంతోషాన్నిచ్చిన విషయం.
అదనపు ఆకర్షణ:  శ్రీధర్ కార్టూన్