ఉత్తర ప్రగల్భాలు!

నాడు...
చెవులు చిల్లులు పడగొట్టారు
నల్లసూరీడొచ్చాడు, ఇక అగ్రరాజ్య ప్రగతిని అంగారక గ్రహందాకా తీసుకెళ్తాడని!
నేడు...
విమర్శల జడివాన కురిపిస్తున్నారు
ఒబామా హెల్త్ కేర్ ప్రవేశపెట్టి బొక్కబోర్లా పడి అమెరికాను షట్ డౌన్ చేసేశాడని!!

నాడు...
ఆహా, ఓహో అని ఊదరగొట్టారు
మన్మోహనుడు అపర చాణక్యుడని, ఇండియాను ఏదేదో చేసేస్తాడని!
నేడు...
వామ్మో, వాయ్యో అని గుండెలు బాదుకుంటున్నారు
మౌనమోహనుడు కుంభకోణాలతో కొంపలు కొల్లేరు చేసేస్తున్నాడని..!!

నేతలు
ఏ పార్టీకి చెందినా
ఏ దేశానికి చెందినా
అందరివీ ఉత్తర ప్రగల్భాలే!
అందరూ ఆ తానులోని ముక్కలే!
అందరూ ప్రజల్ని మోసం చేసేవారే!!

ఏ దేశమును పరికించినా
ఏమున్నది గర్వకారణం...
పాలకుల పన్నాగాలన్నీ
వ్యవస్థను భ్రష్టుపట్టించుటకే!
నేతల కుయుక్తులన్నీ
సామాన్యుని అథోగతి పాల్జేయుటకే!

ఇటీవలి పొలిటికల్ డెవలప్ మెంట్స్ పై బ్రీఫ్ సెటైర్ ఇవాళ్టి ఈనాడు ఎడిటోరియల్ పేజీలో.  

అధిష్ఠాన జగన్నాటకం!!

ఇవాళ్రేపు
ఎక్కడ ఏ స్కాం జరిగినా..
ఎక్కడ సీబీఐ రైడ్ జరిగినా...
ఏ రాజకీయ నాయకుడు జైలుకెళ్లినా....
ఏ నేరపూరిత నేతకు బైయిల్ లభించినా...
ఎక్కడ ప్రజల మధ్య ఏ చిచ్చు రగులుకొన్నా...
ఈ ఘనకార్యాలన్నీ కాంగ్రెస్ అధిష్ఠానం కనుసన్నల్లోనే....
లోకకళ్యాణార్థం యువరాజా వారిని హస్తిన పీఠంపై పట్టాభిషిక్తుణ్ణి చేసే సదుద్దేశ్యంతోనే జరుగుతున్నాయని ఇందుమూలంగా యావజ్జాతి జనులందరూ గుర్తించగలరని ఢంకా భజాయిస్తున్నాడు మా సెగెట్రీ! దుష్ట హైకమాండు రాజకీయ చదరంగంపై ఓ సెటైర్ ఈరోజు ఈనాడు ఎడిటోరియల్ పేజీలో పబ్లిషైంది. థాంక్యూ!!